Бакьулъ Гьарадирихъа ГIабдулхIамид Бартиевасул кьалулаб къисмат.

Дун ккола Бакьулъ Гьарадирихъа ГIабдулхIамидил яс ПатIимат.
Дир эмен Бартиев ГIабдулхIамид тушманасдаса ВатIан цIунизе рагъде ана 1941 абилеб соналда, нилъер улкаялда тIаде гитлерилал фашистал кIанцIараб мехалъ.

Гьелдаса нахъе лъабкъоялда анцIила ункъго сон свераниги, инсул хIакъалъулъ кигIан цIеханиги, нижеда щибго лъазе кIвечIо: киб бакIалда гьев вукIаравали, щиб часталда гьев вагъаравали, цохIого цо «араб бакI лъачIого тIагIанин» абураб
жо тун батIияб.
Гьале гьал къояз нижехъе щвана цIияб рохалилаб хабар, дир мадугьал, росуцояв, жамгIияв хIаракатчи «Вацлъи» ДРОО-ялъул нухмалъулев МухIамад ГIабдулхIалимовас (Аварскияс), дагьаб заманалда жаниб гIемераб хIалтIиги гьабун,
Россиялъул Минобороныялъул архиваздеги хъвадарун, интернеталъул кумекалдалъун, дир инсуца абадиялъего берал къанщараб ва гьев вукъун вугеб бакI балагьана.

Гьев вагъун вуго 42 Смоленскиялъул кьвагьдохъабазул дивизиялъул кьерда Белоруссиялда.
Гьенивго Витебский областалъул Зазыбы абураб гьитIинаб росулъ гIаммаб хабалъ вукъун вуго. Бокьун буго, районалъул газета гьоркьоб ккун, МухIамад ГIабдулхIалимовасе нижее гьабураб кумекалъухъ ракI-ракIалъул баркала кьезе. Ниж гIадин, Аллагьги разилъаги МухIамадидаса. Сахлъиги рохелги гьарула гьесие ва гьесул хъизан-агьлуялъе.

Инсуде ясалъул магIу

Кьалул фронталдаса эмен вуссинчIел
Бесдалал руго ниж гьаб улкаялда.
КигIан урхъаниги, яц-вац щвечIого,
Чиякъго, къваридго херлъи рещтIарал.
Лъабкъоялда анцIго сон свераниги,
Ниж ракIалде щвечIо цониги къоялъ.
ГIарац, орден-медаль бицинароан,
Бергьенлъидул къоялъ барки гьабураб
КагъатгIаги щвечIо президентасул.
Гьаб дуниял цIураб гIарац кьуниги,
Кьолевищ ракьалда эмен сундухъго.
МегIергIанаб месед босилароан,
Цо вац вугев анищ аскIов вукIине.
ГьитIинал бесдалал кIодолъаниги,
КIудияб хьул буго эмен вачIинин.
Дадаян чвахараб бухIараб магIу
Рохалил магIица кIоченабилин.
Гьале ругьел щвана батIияб тIаде
Белоруссиялъул Витебскиялда,
ВатIаналъе гIоло рухIги яхIги кьун,
Ахирисеб хIухьел дадаца цIанин.
Зазыбы абураб гьитIинаб росулъ
Гьев живго гIадинав гIолохъабазулъ,
ТIад зани гьечIого, лахIду чIвачIого,
Мусрудал бакIалда шинельги ретIун,
ХIалхьиялда кьижун вугин дадаян.

ПатIимат ГIабдулхIамидова

Источник газета “Гумбет”

Уточнения

По данным Центрального архива мин обороны РФ (ЦАМО) красноармеец Бартиев Хамед (Абдулхамид) воевал в составе 42 стрелковой Смоленской дивизии. Погиб 21.03.1944 в боях под Витебском. Первичное место захоронения братская могила, восточная окраина деревни Зазыбы Витебского района Витебской области Белоруссии.

таблица6

Бартиев Абдулхамид

деревня Зазабы

Позднее решением Витебского райисполкома захоронение из деревни Зазыбы было перенесено на мемориал который располагается в деревне Шапуры Октябрьского сельсовета Витебского района.

Мемориал Шапуры

Изначально имя красноармейца на данном мемориале было записано как Бартиев Хасмид но в результате нашей переписки были внесены коррективы. Теперь имя нашего односельчанина увековечено на мемориальном комплексе д.Шапуры как и положено – Бартиев Абдулхамид.

Мухамед Аварский для АРАДИРИХ ИНФО

Поделиться в соц. сетях