АссаламугIалайкум хIурматиял росуцоял! Вацлъи жамгIияталъул хIаракатчагIаз гIуцIараб “МагIарул видео портал” абураб сайт хIалтIизе биччана. Гьелде раккизе бегьула гьаб адресалда http://avartv.ru/ Сайт гIуцIиялъул мурад буго магIарул мацIалда бугеб видеоматериал интернеталда цIикIинаби ва машгьур гьаби. Хадуб ккун сайталда рукIине руго аварТВ студиялъ рахъарал передачаби ва гьеб гуреб гIемераб цойгидабги. Гьединго сайталде видео жубазе бегьула бокьарав регистрация гьабурав магIарулас, сайталъул низамалги цIунулаго.Ялъуни бахъараб видеоматериал битIизе бегьула гьаб адресалда support@avartv.ru Бищунго кIвар кьолеб низам ккола тIаде жубалеб видео материал магIарул мацIалда букIин ва гIаммал гIадатиял низамаздаса борчIараб букIунгутIи. ТIадехун рехсараб сайт гIицIго видео портал гуребги щвалде щвараб социальный сеть хIисабалдаги хIалтIула, гьелъие къваригIунел киналго алатал сайталда лъун руго. Сайталь рес кьола: бетIергьанаб гьумер гIуцIизе(личная страница), Пикраби цIунулеб гъамас гIунцIизе (блог), батIи батIиял мажлисазда гIахьаллъизе (форумы), къокъабазде рикьун руккелал гьаризе (группы), лъазабиял кьезе (доска объявлений,реклама). Гьелда тIадеги сайталда рес буго суратазул къед гIуцIизе(фотоальбомы и личные фото), макъалаби рахъизе (публикация статей), гьудул-гьалмагълъи гьабизе (добавление друзей) цоцахъе хъвадаризе (личные сообщения), кинабго сайталда бугеб щинаб материалаздасан нужерго пикраби загьир гьаризе (комментарии всех материалов сайта), avartv ялдаса босун цойги сайтазде битIизеги (кнопки социальных сетей).Гьелдаго цадахъ сайталда буго магIарул сайтазул сияхI (каталог аварских сайтов) Гьелдаги гIей гьабичIого хадубккунги ургъизе руго нужее квегIемлъиялъе ва бигьалъиялъе кинал алатал тIаде журазе бегьилебали. МагIарул видео портал цебе тIей ва машгьурлъи нужеда бараб буго, нижеца бажарараб гьабуна. Хьул буго гьаб сайт киналго магIарулазе гIагараблъун ва пайда бугеблъун лъугьинин абун, магIарулазе гьабурабги бугелъул. РачIаха сайталде регистрация гьабизе. ЛъикIаб-квешалъухъги балагьизе,гьабизе бегьулеб хиса-басиялъе нижее гIакълуги кьезе. ХIурматгун “Вацлъи” жамгIият.

Поделиться в соц. сетях